Çin Xalq Respublikasının Quançjao şəhərində boks üzrə qadınlar arasında dünya çempionatı davam edir. Boks Federasiyasının mətbuat xidmətindən ANS PRESS-ə verilən məlumata görə, 75 kq. çəki dərəcəsində mübarizə aparan Yelena Vıstropova yarışda növbəti qələbəsini qazanıb. Milli komandamızın üzvü Rumıniya təmsilçisi Luminita Turçin üzərində aşkar üstünlüklə qələbə qazanıb. Hesab 10:2 boksçumuzun xeyrinə olarkən rəqib idmançı döyüşü davam etdirə bilməyib. Bu qələbədən sonra 1\4 finala vəsiqə qazanan Vıstropovanın növbəti rəqibi ukraynalı Liliya Durniyeva olacaq.
Qeyd edək ki, bu artıq boksçumuzun dünya çempionatında 3-cü qələbəsi idi. Olimpiya oyunlarına lisenziya xarakterli yarışda digər boksçumuz Ayzanat Hacıyeva ilk görüşdəcə məğlub omuşdu. Dünya çempionatında həmyerlimiz Rövşən Hüseynov hakimlik edir.
